Rentrée scolaire

Haut de Moie war op de Sitte Lampertsbierg an Dummeldeng vum Lycée des Arts et Métiers d’Rentrée fir 160 nei Schüler.

Léif 7C, 7G, 7GIF, 7P an ACCU Schüler,

Mir freeën eis iech an eisem Lycée wëllkomm ze heeschen. Dëst ass e spannende Schrëtt, eng nei Phas voller Méiglechkeeten, Erausfuerderungen a Chancen, déi iech weiderbréngen.

Dir wäert net nëmme léieren, mee och nei Frënn fannen, spannend Projeten ëmsetzen a vu ville parascolairen Aktivitéite profitéieren.

Zéckt net eis ze kontaktéiere wann dir Froen hutt oder Hëllef braucht. Mir sinn hei fir iech ze begleeden an ze ënnerstëtzen.