08.07.2025 Diplomiwwerreechung Premièren
Léif Primanerinnen, léif Primaner,
Mir am Lycée des Arts et Métiers felicitéieren iech vun Häerzen zu ärem Premièresdiplom! 🎓
Hannert iech leien intensiv Joren, an deenen dir net nëmme vill geléiert hutt, mee och gewuess sidd, als Mënschen an als kritesch Denker. Dir hutt gewisen, datt dir Erausfuerderunge mat Eegestännegkeet, Motivatioun an Engagement meeschtere kënnt.
Ären Diplom markéiert net nëmmen en Ofschloss, mee och en Ufank vun engem neie Kapitel, voller Méiglechkeeten an Erausfuerderungen.
Bleift iech selwer trei, denkt selwer a loosst iech net oflenken, scho guer net an Zäiten, wou vill Ännerungen op iech duerkommen. Gitt mat Oppenheet, Zivilcourage an engem gesonde Zweifel un déi nächst Schrëtt erun.
Är schoulesch Ausbildung huet iech e staarkt Fundament ginn. Elo läit et un iech, dorobber opzebauen a mat Engagement a Leidenschaft är Visiounen an d’Realitéit ëmzesetzen.
Mir wënschen iech dobäi vu ganzem Häerzen vill Gléck a vill Erfolleg!
Weider Fotoe fannt dir op https://infos.rtl.lu/photos-et-videos/photos/42300.html
Fotoen