Ofschlossfeier vun de 5P Klassen am Lycée des Arts et Métiers

Den 7. Juli haten eis 5P Klassen eng flott Ofschlossfeier vum Schouljoer. Bei dëser Geleeënheet konnten d’Schüler zesumme mat mat hiren Elteren an Enseignanten feieren a gläichzäiteg hir Aarbechte weisen, un deenen si d’lescht Joer geschafft hunn.

E grousse, emotionalen Héichpunkt vun der Soirée war d’Iwwerreechung vun den Diplomer. De Lycée des Arts et Métiers gratuléiert ganz häerzlech zum erfollegräiche Ofschloss vum Cycle inférieur vun der Voie de préparation!
Uschléissend gouf et e klenge Buffet fir d’Invitéen, mat vill Léift a selwer preparéiertem Iessen.

E grousse Merci geet un déi engagéiert Enseignanten,déi si op hirem Wee begleet hunn, souwéi un d’Schüler vun der DP1IC, déi hëllefsbereet beim Kachen ënnerstëtzt hunn.

Et war eng komplett gelonge Soirée!

Photos